Gehrschwaller Mundarttheater

Glick auf, ihr lieb’n Leit. Schie, doss ‘r olle wieder hierhar gekomme seid. Su wollt' iech Eich ächntlich ah in dann Gahr wieder am 21. März in Gählner Volkshaus begrieß'n. Mir von Gehrschwaller Mundarttheater hätt'n unner neies Stickel mietgebracht un fer Eich wär bestimmt racht viel ze lach'n drbei. Schien Kuch'n, Werschtl'n, ä Tippel Bier un ä Tassel Kaffee gäb's off scheden Fall ah. Dodrfier tät'n de Gählner Schul'n wieder sorch'n.
Ober wie's ahm nu su is, werd in dann Gahr miet unnern Theater leider nischt war'n. Dä wach'n dann gruß'n Schnupp'n, dar hier ieberall imgieht, kenne mr heier nerchndwu spiel'n. Un dos, wu mir uns salber su drauf gefräht hamm, endlich mol in unnern schien nei'n Volkshaus in Gähln off dr Biehne ze stiehe.
Ober Ihr wisst ja, wie schnell su ä Gahr vrgieht. Un su gesahe fräh'n mir uns schie itze off 2022, wenn mr wieder in Gähln auftrat'n kenne. Un iech denk mr mol, Ihr ward' dann ah wieder olle
ze uns ins Volkshaus komme.
Bis dodrhie: Blebbt mr racht schie gesund un munter un losst Eich nich ahstecken. Bis zen nächsten Mol.

Eier Andreas Loos
von Gehrschwaller Mundarttheater